ಗೆಳತಿ…………….

June 28, 2007 at 8:13 am (ಕವನಗಳು)

null

ಅಂದು ನೀ ಕೊಟ್ಟ ಭರವಸೆಗಳೇನದವು ಗೆಳತಿ
ಮರೆತೆಯಾ ನೀ ಎಲ್ಲವನ್ನು
ನಮ್ಮ ಸ್ನೇಹದಲ್ಲಿ ಮಾತ್ಸರ್ಯವಿಲ್ಲೆಯೆಂದಿದ್ದೆ
ಇಂದೇನಾಗಿಹೋಯಿತು ಗೆಳತಿ..

ನಿನಗೆ ನಾ ಮಗುವು ನನಗೆ ನೀ ಮಗುವು
ಇದು ನಿನಗೆ ತಿಳಿದಿಲ್ಲವೇ..
ಮಗುವಿನಾ ಮುನಿಸಿದು ಎಂದು ನಾ ತಿಳಿದಿದ್ದೆ
ಆದರೇ ತಾಯಿಯೆ ಇಲ್ಲವೆನಗೆ ಎನ್ನುವುದು ನಿನಗೆ ತರವೇ?

ನಮ್ಮದು ತಿಳಿಹಾಲಿನದ್ದು ಬಂಧನವೆಂದ
ನಿನ್ನ ಅಷ್ಟೂ ಮಾತುಗಳು ಇಂದೇನಾದವು?
ಹಾಲಿನಂತ ಈ ಸ್ನೇಹ ಒಡೆದಿದ್ದಾದರು ಎಲ್ಲಿ ನೆನಪು ಮಾಡು….

ನನ್ನ ಸ್ನೇಹವಿದು ನಿನಗೆ ಪಂಜರದ ಹಕ್ಕಿಯೆನಿಸಿದರೆ
ಹಾರಿ ಬಿಡಲು ಆ ಹಕ್ಕಿಯನ್ನು ನಾನು ಸಿದ್ದ..
ಆದರೇ ಒಂದು ಮಾತು ಹಾರುವ ಮುನ್ನ
ನೀ ತಿಳಿಸದೇ ಹೋಗದಿರು
ನನ್ನ ಸ್ನೇಹ ನಿನಗೆ ಪಂಜರವಾದ ಕಾರಣವನ್ನ…….

Permalink 8 Comments

ಹುಚ್ಚು ಕುದುರೆ…!!!

March 7, 2007 at 12:07 pm (ಕವನಗಳು)

null

ಪ್ರೀತಿಯೆಂಬ ಹುಚ್ಚು ಕುದುರೆಯ ಬೆನ್ನ ನೇರುವರು ಎಲ್ಲ
ಹುಚ್ಚು ಕುದುರೆಯ ಸಹವಾಸ ಕೇಡು ಎಂದು ಅರಿತರು ಎಲ್ಲ.
ಕಡಿವಾಣ ಇಲ್ಲದ ಮನಸ್ಸು ಏರಿದರೆ ಹುಚ್ಚು ಕುದುರೆಯನ್ನು,
ಸರಿ ತಪ್ಪುಗಳ ಆಲೋಚನೆ ಇರಲಿ,ಲೋಕವಾದರೂ ಕಾಣುವೂದೇನು..!!

ನೋಡಲು ಸುಂದರವಾಡ ಪ್ರೇಮ ಮಂದಿರದಂತೆ,
ಪ್ರವೇಶಿಸಿದರೊಮ್ಮೆ ಹೊರಬರಲಾಗದ ಏಳು ಸುತ್ತಿನ ಕೋಟೆ
ಎತ್ತ ನೋಡಿಡರತ್ತ ಚಿಂತೆಗಳ ಭೂತ
ಹೆತ್ತವರೋ, ಇಲ್ಲ ಸಂಗಾತಿಯೋ ಎಂಬ ಆತಂಕದ ಶೋಕ..!!

ಅತ್ತ ದಡವ ಸೇರಿದ ಹಾಗೂ ಇಲ್ಲ,
ಇತ್ತ ಈಜುವ ಹಾಗೂ ಇಲ್ಲ,
ಅದಕ್ಕೆ ಅಲ್ಲವೇ ಪ್ರೇಮಿಗಳು ಹೇಳುವುಧು,
ನಾ ಪ್ರೀತಿಯಲ್ಲಿ ಮುಳುಗಿಹೆನೆಂದು

ಕಡಿವಾಣವಿಲ್ಲದ ಮನಸ್ಸೇ ಏರದಿರು ನೀ ಹುಚ್ಚು ಕುದುರೆಯನ್ನು,
ಬೆನ್ನು ಹತ್ತಿ ಹೋಗದಿರು ಮಾಯಾ ಜಿಂಕೆಯನ್ನು
ಅಗಸದ ಕಾಮನಬಿಲ್ಲು ಆಗಸಕ್ಕೆ ಅಷ್ಟೇ ಚೆನ್ನ,
ಮಾಯದಾ ಪ್ರೀತಿ ಕೇಳುವುದಕ್ಕೆ ಮಾತ್ರ ಚೆನ್ನ…!!

ಹುಚ್ಚು ಕುದುರೆ ಪಳಗಿಸುವ ಸಾಮರ್ಥ್ಯ ಇದ್ದರೆ ಒಳಿತು,
ಇಲ್ಲಾಧಿಧರೆ ಹಾಳು ಬಾವಿಗೆ ಬೀಳುವುಧು ಕಚಿತವಾದ ಮಾತು.
ಹುಚ್ಚು ಕುದುರೆಯ ಸಹವಾಸ ನಮಗೇಕೆ,
ನಮ್ಮಷ್ಟಕ್ಕೆ ನಾವು ಇದ್ದರೆ ಸಾಕು ಎಂಬುದು ನನ್ನ ಅನಿಸಿಕೆ..

Permalink 2 Comments

ಉಸಿರು….!!!!

January 23, 2007 at 1:25 pm (ಕವನಗಳು)

null

ಅವನ ಬಿಂಬವ ತುಂಬಿಡಲು
ಇಚ್ಚಿಸುವೆನು
ನನ್ನ ಈ ಕಣ್ಣಾಲೆಗಳಲ್ಲಿ..
ಆದರೆಲ್ಲಿ ಜಾರಿ ಹೋಗುವನೋ
ಎಂಬ ಬಯ ನನ್ನ ಕಣ್ಣೀರಿನಲಿ..!!!

ಸೆರೆ ಹಿಡಿಯಲು ಇಷ್ಟ
ಅವನನ್ನ ನನ್ನ
ಕನಸುಗಳೊಳಗೆ..
ಆದರೆ ಎಲ್ಲಿ ಮಾಯವಾಗುವನೋ
ಎಂಬ ಬಯ ನನಗಿಲ್ಲಿ
ನಾ ಕಣ್ಣು ಬಿಟ್ಟ ಯಾವುದೊ
ಅಗೋಚರ ಕ್ಷಣದೊಳಗೆ..

ದೂರಾಗುವನೆಂಬ ಬಯದೊಳಗೆ
ಬಚ್ಚಿಟ್ಟಿರುವೆ ನನ್ನ ಉಸಿರೊಳಗೆ
ಈಗ ದೂರಾಗುವ ಬಯವಿಲ್ಲ
ಉಸಿರ ಬಿಟ್ಟು ಬದುಕೆಲ್ಲಿ?
ಅವನನ್ನ ಉಸಿರು ನನ್ನ ಬದುಕಿನಲ್ಲಿ…!!!!

Permalink 5 Comments

ನನ್ನ ನಲ್ಲ…!!!!

January 23, 2007 at 1:10 pm (ಕವನಗಳು)

null

ನನ್ನ ನಲ್ಲ ಹೇಗಿರಬೇಕು ಗೊತ್ತೆ…!!!

ನನ್ನ ಹೃದಯದಲ್ಲಿರುವ ಪ್ರೀತಿಯ
ಹಣತೆ ನಾನಾದರೆ..
ಅದನ್ನು ಬೆಳಗಿಸುವ ಜ್ಯೋತಿ
ಅವನಾಗಬೇಕು…

ಸುಂದರ ಕನಸುಗಳನ್ನ
ಕಾಣುವ ಕಣ್ಣುಗಳು
ನನ್ನದಾದರೆ…
ಆ ಕಣ್ಣೊಳಗೆ ಕೊರೈಸುವ
ಕಾಂತಿ ಅವನಗಬೇಕು…!

ಆಸೆಗಳು ಕೂಡಿರುವ
ಮುದುಡಿದ ಮೊಗ್ಗು
ನಾನಾದರೆ…
ಮೊಗ್ಗು ಅರಳಿಸುವ
ಮುದ್ದು ಗೆಳೆಯ
ಅವನಾಗಬೇಕು….

ನೋವೊಳಗೆ ಅಳುವ
ಮುಗ್ಧ ಮಗು
ನಾನಾದರೆ…
ಅಳುವ ಮರೆಸಿ
ಲಾಲಿ ಹಾಡುವ
ತಾಯಿ ಹೃದಯ ಅವನಗಬೇಕು…!!!!

Permalink 6 Comments

ನಯನಗಳು…!!!

January 4, 2007 at 11:13 am (ಕವನಗಳು)

null

ಒಮ್ಮೆ ಚಂದಿರನಿಲ್ಲದ ಬಾನಿನಲ್ಲಿ
ನಾ ತಾರೆಗಳನ್ನು ಹುಡುಕುತ್ತಿದ್ದೆ !
ತಾರೆಗಳಂತೆ ಮಿನುಗುವ ನಿನ್ನ ಆ ಎರೆಡು
ಕಣ್ಣುಗಳ ನೋಡಿ ಎನೋ ಒಂದು ವಿಸ್ಮಯತೆ ನನ್ನೊಳಗೆ…!!

ಸದಾ ಸುಂದರ ದೃಶ್ಯಗಳನ್ನು
ಸೂರೆಗೊಳ್ಳುವ ನಿನ್ನ ನಯನಗಳು,
ಇಂದು ನನ್ನ ಸೂರೆ ಮಾಡುತ್ತಿರುವಂತಿದೆ
ಅವು ಬರಿ ನಯನಗಳಲ್ಲ ಗೆಳೆಯಾ….
ವಿಶಾಲವಾದ ಭಾವನೆಗಳ ಕಡಲುಗಳು… !!

ಕಣ್ಣೊಳಗಿರುವ ಬಾಷೆಯನ್ನಾನಾನರಿಯದೆ ಹೋದರು
ಅದರೊಳಗಿರುವ ಮೌನವನ್ನ ನಾ ಬಲ್ಲೆನು
ನಗುವ ನಯನಗಳು ನಕ್ಕರೆ ತಾನೆ ಚೆಂದ
ನೀ ಸದಾ ನಗುನಗುತಲಿರು ನನ್ನ ಚಿನ್ನ
ಓ ಚಿಗುರೆಗಣ್ಣಿನ ಗೆಳೆಯನೇ ನೀ ನಗು ನಗುತ್ತಿರು ನನ್ನ ಚಿನ್ನ…!!

Permalink 1 Comment